ରଥଯାତ୍ରା ରେ ମିଳିଲାନି ଭତ୍ତା! ସୁନାପୁର ପଞ୍ଚାୟତ ରେ ପେନସନ ବଣ୍ଟନକୁ ନେଇ ଅସନ୍ତୋଷ, ତଦନ୍ତ ଦାବି।

ନୂଆପଡ଼ା -୧୮/୦୭- ନୂଆପଡ଼ା ଜିଲ୍ଲା ବୋଡେ଼ନ ବ୍ଲକର ଅଧିକାଂଶ ଗ୍ରାମପଞ୍ଚାୟତ ରେ ରଥଯାତ୍ରା ଅବସରରେ ପେନସନ ହିତାଧିକାରୀମାନଙ୍କୁ ଭତ୍ତା ବଣ୍ଟନ କରାଯାଇଥିବା ବେଳେ ସୁନାପୁର ଗ୍ରାମପଞ୍ଚାୟତ ରେ ଏହାର ବ୍ୟତିକ୍ରମ ଦେଖାଯାଇଥିବା ଅଭିଯୋଗ ଉଠିଛି। ଏହାକୁ ନେଇ ବୃଦ୍ଧ, ବିଧବା ଓ ଦିବ୍ୟାଙ୍ଗ ପେନସନ ଭୋଗୀମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
ଅଭିଯୋଗ ଅନୁସାରେ, ସରପଞ୍ଚ ମୁକ୍ତା ରାଉତ ତଥା ପିଇଓ ହୃଷିକେଶ ବୈଠାରୁ ଙ୍କ କାର୍ଯ୍ୟରେ ଅବହେଳା ଓ ଖାମଖିଆଲି ଯୋଗୁଁ ଆଜି ପର୍ଯ୍ୟନ୍ତ ଅନେକ ପେନସନ ହିତାଧିକାରୀ ଭତ୍ତା ପାଇନାହାନ୍ତି। ରଥଯାତ୍ରା ଦିନଠାରୁ ଲଗାତାର ତିନି ଦିନ ଧରି ବୃଦ୍ଧବୃଦ୍ଧା, ବିଧବା ଓ ଦିବ୍ୟାଙ୍ଗ ବ୍ୟକ୍ତିମାନେ ପଞ୍ଚାୟତ କାର୍ଯ୍ୟାଳୟକୁ ଆସି ନିରାଶ ହୋଇ ଫେରିଥିବା କୁହାଯାଇଛି।
ଶନିବାର ବୋଇଲେ ଆଜି ମଧ୍ୟ ଅନେକ ମହିଳା ଦିନ ପ୍ରାୟ ଦୁଇଟା ପର୍ଯ୍ୟନ୍ତ ପଞ୍ଚାୟତ କାର୍ଯ୍ୟାଳୟରେ ଅପେକ୍ଷା କରିଥିଲେ ମଧ୍ୟ ପିଇଓଙ୍କୁ ନ ପାଇ କ୍ଷୋଭ ପ୍ରକାଶ କରିଥିବା ଅଭିଯୋଗ ହୋଇଛି। ସ୍ଥାନୀୟ ଲୋକଙ୍କ କହିବା ଅନୁସାରେ, ସରପଞ୍ଚ ଓ ପିଇଓ ନିୟମିତ ଭାବେ ସମୟରେ ପଞ୍ଚାୟତ କାର୍ଯ୍ୟାଳୟକୁ ଆସୁନଥିବା ନେଇ ପୂର୍ବରୁ ମଧ୍ୟ ବାରମ୍ବାର ଅଭିଯୋଗ ହୋଇଆସୁଛି।
ଏହି ଘଟଣାର ସତ୍ୟାସତ୍ୟ ତଦନ୍ତ କରି ଯଦି କୌଣସି ଅବହେଳା ପ୍ରମାଣିତ ହୁଏ, ତେବେ ସମ୍ପୃକ୍ତଙ୍କ ବିରୋଧରେ ଦୃଢ଼ ପ୍ରଶାସନିକ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ପେନସନଭୋଗୀମାନଙ୍କୁ ତୁରନ୍ତ ଭତ୍ତା ପ୍ରଦାନ କରାଯାଉ ବୋଲି ସାଧାରଣରେ ଦାବି ଜୋର ଧରିଛି।