ଲାଞ୍ଚ ନେଇ ଫସିଲେ ପୂର୍ବତନ ଜିଲ୍ଲା ଶ୍ରମ ଅଧିକାରୀ : ୩ ବର୍ଷ ଜେଲ୍ ସହ ୮୦ ହଜାର ଜରିମାନା।

ନୂଆପଡ଼ା -୧୭/୪- ଦୁର୍ନୀତି ନିବାରଣ କ୍ଷେତ୍ରରେ ଓଡ଼ିଶା ଭିଜିଲାନ୍ସକୁ ମିଳିଛି ଏକ ବଡ଼ ସଫଳତା। ନୂଆପଡ଼ା ଜିଲ୍ଲାର ପୂର୍ବତନ ଜିଲ୍ଲା ଶ୍ରମ ଅଧିକାରୀ ସରତ କୁମାର ପାଣିଗ୍ରାହୀଙ୍କୁ ଏକ ଲାଞ୍ଚ ମାମଲାରେ ଗତ କାଲି ଭବାନୀପାଟଣା ସ୍ୱତନ୍ତ୍ର ଭିଜିଲାନ୍ସ କୋର୍ଟ ଦୋଷୀ ସାବ୍ୟସ୍ତ କରି କଠୋର ଦଣ୍ଡାଦେଶ ଶୁଣାଇଛନ୍ତି।
କାରାଦଣ୍ଡ ୩ ବର୍ଷ ଶ୍ରମ କାରାଦଣ୍ଡ ଓ
ଜରିମାନା ୮୦,୦୦୦ ଟଙ୍କା ଜରିମାନା (ଜରିମାନା ଅନାଦେୟ ହେଲେ ଅଧିକ କାରାଦଣ୍ଡ ଭୋଗିବାକୁ ପଡ଼ିବ)।
ସେ ୨୦୦ ଜଣ ଶ୍ରମିକ ଙ୍କ ପଞ୍ଜୀକରଣ କରାଇଦେବା ପାଇଁ ଜଣେ ପ୍ରଶିକ୍ଷକଙ୍କଠାରୁ ୪୦,୦୦୦ ଟଙ୍କା ଲାଞ୍ଚ ଗ୍ରହଣ କରିଥିଲେ।
ଘଟଣାକ୍ରମ ଓ ଆଇନଗତ କାର୍ଯ୍ୟାନୁଷ୍ଠାନ।
୨୦୨୧ ମସିହା ଜାନୁଆରୀ ୭ ତାରିଖରେ କୋରାପୁଟ ଭିଜିଲାନ୍ସ ଥାନା ପକ୍ଷରୁ ମାମଲା (କେସ୍ ନଂ ୩/୨୦୨୧) ରୁଜୁ କରାଯାଇଥିଲା। ଶ୍ରୀ ପାଣିଗ୍ରାହୀଙ୍କ ବିରୋଧରେ ଦୁର୍ନୀତି ନିବାରଣ (ସଂଶୋଧିତ) ଆଇନ, ୨୦୧୮ର ଧାରା ୭(a) ଅନୁଯାୟୀ ଚାର୍ଜଶିଟ୍ ଦାଖଲ ହୋଇଥିଲା। ଦୀର୍ଘ ଶୁଣାଣି ପରେ ସାକ୍ଷ୍ୟ ଓ ପ୍ରମାଣକୁ ଆଧାର କରି କୋର୍ଟ ଆଜି ଏହି ଚୂଡ଼ାନ୍ତ ରାୟ ପ୍ରକାଶ କରିଛନ୍ତି।
ପେନସନ୍ ବନ୍ଦ ପାଇଁ ପ୍ରସ୍ତାବ।
ସରତ ପାଣିଗ୍ରାହୀ ବର୍ତ୍ତମାନ ଅବସର ଗ୍ରହଣ କରିସାରିଛନ୍ତି। ତେବେ କୋର୍ଟଙ୍କ ଦ୍ୱାରା ଦୋଷୀ ସାବ୍ୟସ୍ତ ହେବା ପରେ, ତାଙ୍କର ସମସ୍ତ ପେନସନ୍ ସୁବିଧା ବନ୍ଦ କରିବା ପାଇଁ ଭିଜିଲାନ୍ସ ବିଭାଗ ପକ୍ଷରୁ ସକ୍ଷମ କର୍ତ୍ତୃପକ୍ଷଙ୍କୁ ସୁପାରିଶ କରାଯିବ ବୋଲି ସୂଚନା ମିଳିଛି।
“ଦୁର୍ନୀତି ବିରୋଧରେ ଆମର ଶୂନ୍ୟ ସହିଷ୍ଣୁତା ନୀତି ଜାରି ରହିବ। ଏହି ରାୟ ସରକାରୀ କର୍ମଚାରୀଙ୍କ ମଧ୍ୟରେ ଏକ ସ୍ପଷ୍ଟ ବାର୍ତ୍ତା ପହଞ୍ଚାଇବ।” – ଭିଜିଲାନ୍ସ ବିଭାଗର ଜଣେ ବରିଷ୍ଠ ଅଧିକାରୀ।