ଖଇରାରେ ଫ୍ଲଡ୍‌ଲାଇଟ୍ କ୍ରିକେଟର ଜବରଦସ୍ତ କ୍ରେଜ୍ : ତୃତୀୟ ଦିବସରେ କ୍ୱାର୍ଟର ଫାଇନାଲ୍ ଲଢ଼େଇ ଶେଷ।

ବୋଡ଼େନ -୧୭/୦୪ ( ଜଗତରାମଦଣ୍ଡସେନା) – ନୂଆପଡ଼ା ଜିଲ୍ଲା ଖଇରା ଜନଶକ୍ତି ଉଚ୍ଚ ମାଧ୍ୟମିକ ବିଦ୍ୟାଳୟ ପଡ଼ିଆରେ ଏବେ କ୍ରିକେଟର ମାହୋଲ। ମାଁ ବଳସଘରିଏନ ସ୍ପୋର୍ଟ୍ସ କ୍ଲବ ଆନୁକୂଲ୍ୟରେ ଆୟୋଜିତ ଏହି ଫ୍ଲଡ୍‌ଲାଇଟ୍ କ୍ରିକେଟ ଟୁର୍ଣ୍ଣାମେଣ୍ଟର ତୃତୀୟ ଦିନରେ ରୋମାଞ୍ଚକର କ୍ୱାର୍ଟର ଫାଇନାଲ୍ ମ୍ୟାଚ୍‌ଗୁଡ଼ିକ ସମ୍ପନ୍ନ ହୋଇଯାଇଛି। ଅତିଥିଙ୍କ ଦ୍ୱାରା ଉଦଘାଟନ ଓ ଉତ୍ସାହ ପରିଲକ୍ଷିତ ହୋଇଥିଲା।
ଉଦଘାଟନୀ ସଭାରେ ବହୁ ବିଶିଷ୍ଟ ବ୍ୟକ୍ତି ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ।
ମୁଖ୍ୟ ଅତିଥି ଅବନୀ ଯୋଷୀ ଜିଲ୍ଲା ବିଜେଡି ସଭାପତି ଓ ସମ୍ମାନିତ ଅତିଥି ରୂପେ ଦୀକପାଳ ନାଗ ଜିଲ୍ଲା ସଭାପତି, ସମାଜବାଦୀ ପାର୍ଟି, ମୁରଲୀଧର ଭୋଇ ଜିଲ୍ଲା ପରିଷଦ, ପୁଷ୍ପରଞ୍ଜନ ନାଗ, ଭାଗିରଥି ଦଣ୍ଡସେନା ବୋଡ଼େନ ବ୍ଲକ କଂଗ୍ରେସ ସଭାପତି। ଅନ୍ୟାନ୍ୟ ଅତିଥି ଭାବେ ମାୟାଧର ସୁନାନୀ, ଅଚ୍ୟୁତା ବିଭାର, ଧନଞ୍ଜୟ ନାଗ, ଆମ୍ବୁଜ ଦଳ, ପୁରନ୍ଦର ମାଝୀ, ରାମ ମାଝୀ ଓ ବହୁ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ରହି ଏହି ଭବ୍ୟ ଆୟୋଜନକୁ ଉଚ୍ଚ ପ୍ରଶଂସା କରିଥିଲେ। ମହେନ୍ଦ୍ର ବାଗ ମଞ୍ଚ ପରିଚାଳନା କରିଥିଲେ।ତୃତୀୟ ଦିନରେ ଖେଳାଯାଇଥିବା ମ୍ୟାଚ୍‌ଗୁଡ଼ିକ ବେଶ ସଂଘର୍ଷପୂର୍ଣ୍ଣ ରହିଥିଲା।

ଫ୍ଲଡ୍‌ଲାଇଟ୍ ଆଲୋକରେ କ୍ରିକେଟର ମଜା ନେବା ପାଇଁ ଖଇରା ଓ ଆଖପାଖ ଅଞ୍ଚଳର ଶହ ଶହ କ୍ରୀଡ଼ାପ୍ରେମୀ ବିଳମ୍ବିତ ରାତି ପର୍ଯ୍ୟନ୍ତ ପଡ଼ିଆରେ ଜମି ରହିଥିଲେ। ସ୍ଥାନୀୟ ସାମ୍ବାଦିକ ଜଗତରାମ ଦଣ୍ଡସେନା ଓ ଚମ୍ପୁଲାଲ ଦଣ୍ଡସେନାଙ୍କ ସମେତ ଅନେକ ସ୍ୱେଚ୍ଛାସେବୀ ଖେଳ ପରିଚାଳନାରେ ସହଯୋଗ କରିଥିଲେ।
ଏହି ଟୁର୍ଣ୍ଣାମେଣ୍ଟ ମାଧ୍ୟମରେ ସ୍ଥାନୀୟ ଯୁବ ପ୍ରତିଭାଙ୍କୁ ଏକ ବଡ଼ ମଞ୍ଚ ମିଳିପାରିଛି।