ଖଇରା ରେ ଭକ୍ତି ଓ ଶ୍ରଦ୍ଧାର ସହ ପାଳନ ହେଉଛି ଭଗବାନ ନୃସିଂହଙ୍କ ଜନ୍ମୋତ୍ସବ।

ବୋଡେ଼ନ -୩୦/୪- (ଜଗତ ରାମ ଦଣ୍ଡ ସେନା ) ଅଧର୍ମ ଉପରେ ଧର୍ମର ବିଜୟ ତଥା ଭକ୍ତ ପ୍ରହ୍ଲାଦଙ୍କୁ ରକ୍ଷା କରିବା ପାଇଁ ଅବତାର ଗ୍ରହଣ କରିଥିବା ଭଗବାନ ନୃସିଂହଙ୍କ ଜନ୍ମ ଜୟନ୍ତୀ ବା ‘ନୃସିଂହ ଚତୁର୍ଦ୍ଦଶୀ’ ଆଜି ନୂଆପଡ଼ା ଜିଲ୍ଲା ବୋଡେ଼ନ ବ୍ଲକ ଅନ୍ତର୍ଗତ ଖଇରା ଗ୍ରାମରେ ଅତ୍ୟନ୍ତ ଆଡମ୍ବର ସହକାରେ ପାଳିତ ହେଉଛି।
ଭକ୍ତିମୟ ପରିବେଶରେ କଳସ ଯାତ୍ରା ଅନୁଷ୍ଠିତ
ସ୍ଥାନୀୟ ଦଲ ସମାଜ ପକ୍ଷରୁ ଆୟୋଜିତ ଏହି ଉତ୍ସବ ଗତକାଲି ରାତିରୁ ଏକ ଭକ୍ତିପୂର୍ଣ୍ଣ ପରିବେଶ ମଧ୍ୟରେ ଆରମ୍ଭ ହୋଇଥିଲା। ଶତାଧିକ ଶ୍ରଦ୍ଧାଳୁଙ୍କ ଗହଣରେ ଏକ ବିଶାଳ କଳସ ଯାତ୍ରା ଅନୁଷ୍ଠିତ ହୋଇଥିଲା, ଯାହା ସମଗ୍ର ଅଞ୍ଚଳରେ ଏକ ଆଧ୍ୟାତ୍ମିକ ଶିହରଣ ସୃଷ୍ଟି କରିଛି। ଏହି ପୂଜା କାର୍ଯ୍ୟରେ କର୍ତ୍ତା ଭାବେ ଅଭିରାମ ଦଲ ଓ ମାଳତୀ ଦଲ ଯୋଗଦେଇ ରୀତିନୀତି ଅନୁଯାୟୀ କାର୍ଯ୍ୟ ସମ୍ପାଦନ କରୁଛନ୍ତି।
ସହଯୋଗ ଓ ସଠିକ ପରିଚାଳନା ରେ ଉତ୍ସବ ଟି ସଫଳ ହୋଇଛି ।
ଉତ୍ସବକୁ ସୁଚାରୁ ରୂପେ ପରିଚାଳନା କରିବା ପାଇଁ ପୂଜା କମିଟିର ସଦସ୍ୟମାନେ ଦିନରାତି ଶ୍ରମ ଜାରି ରଖିଛନ୍ତି। ଏଥିରେ ମୁଖ୍ୟତଃ ଚଞ୍ଚଳ ଦଲ, ତ୍ରିବିକ୍ରମ ଦଲ ଓ ପରମେଶ୍ୱର ଦଲ
ଅନାମ ଦଲ, ଲଳିତ ଦଲ ଓ ଦୁଃଶାସନ ଦଲ
ସତ୍ୟବନ୍ତ ମାଝୀ, ଅକ୍ଷୟ ଯାନୀ, କୁମର ଦଲ, କାପୁରଚନ ଦଲ ଏବଂ ହେମଶ୍ୱର ଦଲ
ପ୍ରମୁଖ ଏହି କାର୍ଯ୍ୟକ୍ରମର ସଫଳତା ପାଇଁ ସକ୍ରିୟ ସହଯୋଗ କରୁଛନ୍ତି। ଏହା ବ୍ୟତିତ
ସାଂସ୍କୃତିକ କାର୍ଯ୍ୟକ୍ରମର ଆକର୍ଷଣ ଲୋକଙ୍କୁ ଟାଣି ଆଣୁଛି। କେବଳ ପୂଜାପାଠ ନୁହେଁ, ବରଂ ଜନସାଧାରଣଙ୍କ ମନୋରଞ୍ଜନ ଓ ପୌରାଣିକ ସଚେତନତା ପାଇଁ ଆଜି ରାତିରେ ନାଟକ ପରିବେଷଣ ର ବ୍ୟବସ୍ଥା କରାଯାଇଛି। ଏହି ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିବା ପାଇଁ ଆଖପାଖ ଅଞ୍ଚଳରୁ ଶତାଧିକ ଶ୍ରଦ୍ଧାଳୁଙ୍କ ସମାଗମ ହେବାର ସମ୍ଭାବନା ରହିଛି।
ଭଗବାନ ନୃସିଂହଙ୍କ ଏହି ଜୟନ୍ତୀ ଉତ୍ସବ ଖଇରା ଅଞ୍ଚଳରେ ଭାଇଚାରା ଓ ଆଧ୍ୟାତ୍ମିକତାର ପ୍ରତୀକ ସାଜିଛି।