ଖଡ଼ିଆଳ ପବ୍ଲିକ ସ୍କୁଲରେ ‘ଶ୍ରାବଣ ମେଳା ସିଜନ୍‌-୩’ : ମା’ମାନଙ୍କ ସୃଜନଶୀଳତା ରେ ମୁଖରିତ ପରିବେଶ।

ନୂଆପଡ଼ା -୨୪/୦୮- ନୂଆପଡ଼ା ଜିଲ୍ଲାର ଖଡ଼ିଆଳ ପବ୍ଲିକ ସ୍କୁଲ ପରିସରରେ ଶ୍ରାବଣ ମେଳାର ତୃତୀୟ ସଂସ୍କରଣ ‘ସିଜନ୍‌-୩’ ଉତ୍ସାହ, ଉଦ୍ଦୀପନା ଓ ଆନନ୍ଦମୟ ପରିବେଶ ମଧ୍ୟରେ ମହାଆଡ଼ମ୍ବରରେ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ପ୍ରି-ପ୍ରାଇମେରୀ ବିଭାଗ ପକ୍ଷରୁ ମା’ମାନଙ୍କୁ ନେଇ ବିଭିନ୍ନ ସୃଜନଶୀଳ, ମନୋରଞ୍ଜନମୂଳକ ଓ ପ୍ରତିଯୋଗିତାମୂଳକ କାର୍ଯ୍ୟକ୍ରମ ଆୟୋଜନ କରାଯାଇଥିଲା।

କାର୍ଯ୍ୟକ୍ରମରେ ରାଜ ଏ.ଟି. ହାଇସ୍କୁଲର ସହକାରୀ ଶିକ୍ଷୟିତ୍ରୀ ଶ୍ରୀମତୀ ନୀଳିମାରାଣୀ ସାଗର ମୁଖ୍ୟ ଅତିଥି ଏବଂ ଖଡ଼ିଆଳ ସ୍ୱୟଂଶାସିତ ମହାବିଦ୍ୟାଳୟର କମ୍ପ୍ୟୁଟର ସାଇନ୍ସ ବିଭାଗର ଅଧ୍ୟାପିକା ଶ୍ରୀମତୀ ପ୍ରଣତି ପଣ୍ଡା ସମ୍ମାନିତ ଅତିଥି ଭାବେ ଯୋଗଦେଇଥିଲେ। ବିଭିନ୍ନ ପ୍ରତିଯୋଗିତାର ବିଚାରକ ଭାବେ ଶ୍ରୀମତୀ ସୂର୍ଯ୍ୟକାନ୍ତି ମେହେର, ଶ୍ରୀମତୀ ଛାୟା ଜୈନ ଓ ଶ୍ରୀମତୀ ସ୍ନେହା ତ୍ରିବେଦୀ ଦାୟିତ୍ୱ ତୁଲାଇଥିଲେ।

🏆 ପ୍ରତିଯୋଗିତାରେ ଚମକିଲେ ମା’ମାନେ

ରଙ୍ଗୋଲି ପ୍ରତିଯୋଗିତା:
🥇 ପ୍ରଥମ – ପଲ୍ଲବୀ ସାହୁ
🥈 ଦ୍ୱିତୀୟ – ବ୍ୟୁଟି ଅଗ୍ରୱାଲ
🥉 ତୃତୀୟ – ଅନିଷା ପଟ୍ଟନାୟକ

ପୋଷ୍ଟର ମେକିଂ ପ୍ରତିଯୋଗିତା:
🥇 ପ୍ରଥମ – କୌଶଲ୍ୟା ମେହେର
🥈 ଦ୍ୱିତୀୟ – ପଲ୍ଲବୀ ଯୋଶୀ
🥉 ତୃତୀୟ – ରିଙ୍କି ପଟେଲ

ବିନା ଆଞ୍ଚରେ ରନ୍ଧା ପ୍ରତିଯୋଗିତା:
🥇 ପ୍ରଥମ – ବିନ୍ଦିୟା ନାଗ
🥈 ଦ୍ୱିତୀୟ – ମମତା ଶୁକ୍ଳା
🥉 ତୃତୀୟ – ନମିତା ମାହାଉତି

ପ୍ରତିଯୋଗିତା ଶେଷରେ ବିଜୟୀ ପ୍ରତିଯୋଗୀମାନଙ୍କୁ ଅତିଥିମାନେ ପୁରସ୍କାର ପ୍ରଦାନ କରିବା ସହ ତାଙ୍କର ସୃଜନଶୀଳତା ଓ ପ୍ରତିଭାକୁ ପ୍ରଶଂସା କରି ଉତ୍ସାହିତ କରିଥିଲେ।

ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷା ଶ୍ରୀମତୀ ଦୀପ୍ତିମୟୀ ଖମାରୀ କାର୍ଯ୍ୟକ୍ରମର ପରିଚାଳନା କରିଥିଲେ। ବିଜ୍ଞାନ ଶିକ୍ଷୟିତ୍ରୀ ଶ୍ରୀମତୀ ଅର୍ପିତା ଯୋଶୀ ଓ ଶ୍ରୀମତୀ ଜ୍ୟୋତିମାଳା ରାଉତ ମଞ୍ଚ ପରିଚାଳନା କରିଥିବା ବେଳେ ଶେଷରେ ଶ୍ରୀମତୀ ପ୍ରତିମା ମୁଣ୍ଡ ଧନ୍ୟବାଦ ଅର୍ପଣ କରିଥିଲେ।

ଏହି ଅବସରରେ ପରିଚାଳନା କମିଟିର ସଭାପତି ଶ୍ରୀ ବିନୋଦ ଅଗ୍ରୱାଲ, ସମ୍ପାଦକ ଆଡ଼ଭୋକେଟ୍‌ ଚିତ୍ତ ରଞ୍ଜନ ସିଂହଦେଓ, କୋଷାଧ୍ୟକ୍ଷ ଆଡ଼ଭୋକେଟ୍‌ ଏମ୍.ଆର୍. ରାଉତ, ସଦସ୍ୟ ଜ୍ୟୋତିଲାଲ ବଞ୍ଜାରା, ଦ୍ରୋବା ଖମାରୀ ଓ ଏମ୍.ସି. ମେହେରଙ୍କ ସମେତ ବିଦ୍ୟାଳୟର ଶିକ୍ଷକ-ଶିକ୍ଷୟିତ୍ରୀ ଓ ଅନ୍ୟମାନେ ଉପସ୍ଥିତ ରହି ଶ୍ରାବଣ ମେଳାକୁ ସଫଳ କରିଥିଲେ।ଶ୍ରାବଣ ମେଳାର ଏହି ଆୟୋଜନ ମା’ମାନଙ୍କ ପ୍ରତିଭା, ସୃଜନଶୀଳତା ଓ ପାରସ୍ପରିକ ସମ୍ପର୍କକୁ ଆହୁରି ମଜବୁତ କରିବା ସହ ବିଦ୍ୟାଳୟରେ ଏକ ଆନନ୍ଦମୟ ଓ ସୃଜନଶୀଳ ପରିବେଶ ସୃଷ୍ଟି କରିଥିଲା।