ନୂଆପଡ଼ା -୦୩/୦୬ -ନୂଆପଡ଼ା ଜିଲ୍ଲା ମୁଖ୍ୟାଳୟ ସମ୍ମିଳନୀ କକ୍ଷରେ ଜିଲ୍ଲାପାଳ ମଧୁସୂଦନ ଦାଶ ଙ୍କ ଅଧ୍ୟକ୍ଷତା ରେ ଏକ ଗୁରୁତ୍ୱପୂର୍ଣ୍ଣ ଜିଲ୍ଲାସ୍ତରୀୟ ଶିକ୍ଷା ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଜିଲ୍ଲାର ଶିକ୍ଷା ବ୍ୟବସ୍ଥାର ପ୍ରଗତି ଓ ଆଗାମୀ କାର୍ଯ୍ୟପନ୍ଥା ସମ୍ପର୍କରେ ବିସ୍ତୃତ ଆଲୋଚନା କରାଯାଇଛି।ବୈଠକ ଆରମ୍ଭରେ ଜିଲ୍ଲା ଶିକ୍ଷା ଅଧିକାରୀ (ଡିଇଓ) ଡ଼. ପ୍ରଶାନ୍ତ କୁମାର ମହାନ୍ତି ସମସ୍ତଙ୍କୁ ସ୍ୱାଗତ କରିବା ସହ ଶିକ୍ଷା ବିଭାଗର ବିଭିନ୍ନ କାର୍ଯ୍ୟକ୍ରମ ଓ ଜିଲ୍ଲାର ଶିକ୍ଷାଗତ ଅଗ୍ରଗତିର ତଥ୍ୟ ଉପସ୍ଥାପନ କରିଥିଲେ।ଜିଲ୍ଲାପାଳଙ୍କ ପ୍ରମୁଖ ନିର୍ଦ୍ଦେଶାବଳୀ – ବର୍ଷସାରା କରାଯିବାକୁ ଥିବା ବିଭିନ୍ନ କାର୍ଯ୍ୟକଳାପ ପାଇଁ ଏକ ସ୍ପଷ୍ଟ ଆକ୍ସନ ପ୍ଲାନ ବା ବାର୍ଷିକ କାର୍ଯ୍ୟସୂଚୀ ପ୍ରସ୍ତୁତ କରିବାକୁ ସମସ୍ତ ବ୍ଲକ ଶିକ୍ଷା ଅଧିକାରୀ (ବିଇଓ) ଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି। ନ୍ୟୁଟ୍ରି ଗାର୍ଡେନ – ‘ଗ୍ରୀନ୍ ସ୍କୁଲ’ ଅଭିଯାନ ଅଧୀନରେ ସମସ୍ତ ବିଦ୍ୟାଳୟରେ ନ୍ୟୁଟ୍ରି ଗାର୍ଡେନ (ପୋଷଣ ବଗିଚା) ସ୍ଥାପନ କରିବାକୁ କୁହାଯାଇଛି।
ଜୁନ୍ ୧୮ରେ ଖୋଲିବ ସ୍କୁଲ : ସ୍ୱାସ୍ଥ୍ୟ ଓ ସଫେଇ ଉପରେ ବିଶେଷ ଗୁରୁତ୍ୱ ପ୍ରଦାନ।ଆସନ୍ତା ଜୁନ୍ ୧୮ ତାରିଖରେ ଖରା ଛୁଟି ପରେ ବିଦ୍ୟାଳୟ ଓ ଛାତ୍ରାବାସଗୁଡ଼ିକ ଖୋଲିବାକୁ ଥିବାରୁ ପୂର୍ବ ପ୍ରସ୍ତୁତି ସମ୍ପୂର୍ଣ୍ଣ କରିବାକୁ ଜିଲ୍ଲାପାଳ କଡ଼ା ନିର୍ଦ୍ଦେଶ ଦେଇଛନ୍ତି। ଆଗକୁ ବର୍ଷା ଋତୁ ଆସୁଥିବାରୁ ଜଳବାହିତ ଓ ମଶାବାହିତ ରୋଗରୁ ପିଲାମାନଙ୍କୁ ସୁରକ୍ଷିତ ରଖିବା ପାଇଁ ନିମ୍ନଲିଖିତ ପଦକ୍ଷେପ ନେବାକୁ କୁହାଯାଇଛି ।ବିଶୋଧନ – ଶ୍ରେଣୀଗୃହ, କାର୍ଯ୍ୟାଳୟ, ପରୀକ୍ଷାଗାର, ପୁସ୍ତକାଳୟ, ରୋଷେଇ ଘର, ଭୋଜନାଳୟ ଓ ଶୌଚାଳୟକୁ ସମ୍ପୂର୍ଣ୍ଣ ସଫା ଓ ବିଶୋଧିତ କରାଯିବ।ଜଳ ଜମିବା ବନ୍ଦ – ସ୍କୁଲ କ୍ୟାମ୍ପସରୁ ଅନାବଶ୍ୟକ ଘାସ, ଆବର୍ଜନା ଓ ନିର୍ମାଣ ସାମଗ୍ରୀ ହଟାଇ ଜଳ ଜମିବା ସ୍ଥାନଗୁଡ଼ିକୁ ସଫା କରାଯିବ।ସ୍ୱଚ୍ଛ ପାନୀୟ ଜଳ- ପାଣି ଟାଙ୍କି ଓ ଜଳ ନିଷ୍କାସନ ବ୍ୟବସ୍ଥା ସଫା ରଖିବା ସହ ପିଲାଙ୍କ ପାଇଁ ବିଶୁଦ୍ଧ ପାନୀୟ ଜଳ ଉପଲବ୍ଧ କରାଇବାକୁ ଗୁରୁତ୍ୱ ଦିଆଯାଇଛି।
