ନୂଆପଡ଼ାରେ ପଞ୍ଚାୟତିରାଜ କାର୍ଯ୍ୟର ସମୀକ୍ଷା : ଅନୁଦାନର ସଠିକ୍ ବିନିଯୋଗ, ରାଜସ୍ୱ ସଂଗ୍ରହ ଓ ପଞ୍ଚାୟତ ତଦାରଖ ଉପରେ ଗୁରୁତ୍ୱ।

ନୂଆପଡ଼ା -୧୨/୦୯- ନୂଆପଡ଼ା ଜିଲ୍ଲାପାଳ ମଧୁସୂଦନ ଦାଶଙ୍କ ଅଧ୍ୟକ୍ଷତାରେ ଜିଲ୍ଲା ସମ୍ମିଳନୀ କକ୍ଷରେ ବିଭିନ୍ନ Panchayati Raj Schemes ଓ ଗ୍ରାମ ପଞ୍ଚାୟତ ସମ୍ପର୍କିତ କାର୍ଯ୍ୟର ଅଗ୍ରଗତି ନେଇ ଏକ ଗୁରୁତ୍ୱପୂର୍ଣ୍ଣ ସମୀକ୍ଷା ବୈଠକ ଅନୁଷ୍ଠିତ ହୋଇଛି।ବୈଠକରେ ନୂଆପଡ଼ା, କୋମନା, ଖରିଆର, ସିନାପାଲି ଓ ବୋଡେନ ବ୍ଲକ୍‌ର ୧୩୧ଟି ଗ୍ରାମ ପଞ୍ଚାୟତରେ ବିଭିନ୍ନ ଯୋଜନାର Physical ଓ Financial Progress ସମୀକ୍ଷା କରାଯାଇଥିଲା। ବିଶେଷକରି ୧୫ତମ ଅର୍ଥ କମିଶନ ଅନୁଦାନର ସଠିକ୍ ବିନିଯୋଗ, ପଞ୍ଚାୟତର ନିଜସ୍ୱ ଆୟ ବୃଦ୍ଧି, ରାଜସ୍ୱ ସଂଗ୍ରହ ଓ ଗ୍ରାମ ପଞ୍ଚାୟତର ନିୟମିତ ନିରୀକ୍ଷଣ ଉପରେ ଗୁରୁତ୍ୱ ଦିଆଯାଇଥିଲା।

📊 ରାଜସ୍ୱ ଆଦାୟରେ ଉନ୍ନତି

ଜିଲ୍ଲାସ୍ତରରେ ମୋଟ ୧,୩୭,୯୩,୪୬୩ ଟଙ୍କା ଦାବି ମଧ୍ୟରୁ ୧,୨୭,୫୫,୮୩୬ ଟଙ୍କା ଆଦାୟ ହୋଇଛି। ଏଥିରେ ୧୦,୩୭,୬୨୭ ଟଙ୍କା ବକେୟା ରହିଛି। ଗତ ବୈଠକ ସମୟରେ ଆଦାୟ ହାର ୮୯.୨୫% ଥିବାବେଳେ, ୧୧ ସେପ୍ଟେମ୍ବର ୨୦୨୬ ସୁଦ୍ଧା ଏହା ବୃଦ୍ଧି ପାଇ ୯୨.୪୮% ରେ ପହଞ୍ଚିଛି।ସେହିପରି ଅନ୍ୟ ଏକ ଖାତାରେ ମୋଟ ୭୮,୦୦୦ ଟଙ୍କା ଦାବି ମଧ୍ୟରୁ ସମ୍ପୂର୍ଣ୍ଣ ରାଶି ଆଦାୟ ହୋଇଥିବାରୁ ୧୦୦% ଆଦାୟ ହାର ହାସଲ ହୋଇଛି।

🏪 ମାର୍କେଟ କମ୍ପ୍ଲେକ୍ସ ବକେୟା ଆଦାୟ ଉପରେ ଜୋର

୧୧ ସେପ୍ଟେମ୍ବର ୨୦୨୬ ସୁଦ୍ଧା ନୂଆପଡ଼ା ଜିଲ୍ଲାର ୫ଟି ବ୍ଲକ୍‌ରେ ମୋଟ ୭୪୮ଟି ମାର୍କେଟ କମ୍ପ୍ଲେକ୍ସ ୟୁନିଟ୍ ରହିଛି। ସେଥିମଧ୍ୟରୁ ୬୦୦ଟି ୟୁନିଟ୍ ନିଲାମ ପାଇଁ ଦିଆଯାଇଥିବାବେଳେ ୧୪୮ଟି ୟୁନିଟ୍ ଅବଶିଷ୍ଟ ରହିଛି।ଗତ ବୈଠକରେ ଆଦାୟ ହାର ୮୦.୭୪% ଥିବାବେଳେ ବର୍ତ୍ତମାନ ଏହା ବୃଦ୍ଧି ପାଇ ୮୩.୭୪% ରେ ପହଞ୍ଚିଛି। ତେବେ ମାର୍କେଟ କମ୍ପ୍ଲେକ୍ସରୁ ବକେୟା ରାଜସ୍ୱ ଆଦାୟକୁ ଆହୁରି ତ୍ୱରାନ୍ୱିତ କରିବା ପାଇଁ ବୈଠକରେ ଗୁରୁତ୍ୱ ଦିଆଯାଇଥିଲା।ଜିଲ୍ଲାପାଳ ମଧୁସୂଦନ ଦାଶ ଯୋଜନାଗୁଡ଼ିକର ସମୟୋଚିତ କାର୍ଯ୍ୟାନ୍ୱୟନ, ଅନୁଦାନର ସ୍ୱଚ୍ଛ ଓ ସଠିକ୍ ବିନିଯୋଗ ସହ ପଞ୍ଚାୟତସ୍ତରରେ ନିୟମିତ ତଦାରଖ ଉପରେ ଗୁରୁତ୍ୱାରୋପ କରିଥିଲେ। ଏଥିସହ ଆଗାମୀ ପଞ୍ଚାୟତ ନିର୍ବାଚନ ପାଇଁ ପୂର୍ବପ୍ରସ୍ତୁତି ଓ ଆବଶ୍ୟକ ପଦକ୍ଷେପ ନେବାକୁ ସମ୍ପୃକ୍ତ ଅଧିକାରୀମାନଙ୍କୁ ସେ ପରାମର୍ଶ ଦେଇଥିଲେ।ବୈଠକରେ ଜିଲ୍ଲା ପଞ୍ଚାୟତ ଅଧିକାରୀ ଜ୍ଞାନ ରଞ୍ଜନ ଭୋଇଙ୍କ ସମେତ ଜିଲ୍ଲାର ସମସ୍ତ ABDO ଓ GPDO ଉପସ୍ଥିତ ଥିଲେ।