ନୂଆପଡ଼ାରେ ବ୍ୟାଡମିଣ୍ଟନ ର ମହାକୁମ୍ଭ : ଫାଇନାଲରେ ବଲାଙ୍ଗୀର କୁ ହରାଇ ଚାମ୍ପିଅନ୍ ହେଲା ଘରୋଇ ନୂଆପଡ଼ା ଦଳ।

ନୂଆପଡ଼ା -୧୦/୯- ନୂଆପଡ଼ା ଜିଲ୍ଲାରେ ଗତକାଲି ସମାପ୍ତ ହୋଇଯାଇଛି ଏକ ରୋମାଞ୍ଚକର ଏକଦିବସୀୟ ଆନ୍ତଃ ଜିଲ୍ଲା ସ୍ତରୀୟ ବ୍ୟାଡମିଣ୍ଟନ ପ୍ରତିଯୋଗିତା। ଜିଲ୍ଲା ପ୍ରଶାସନ ଏବଂ ସ୍ଥାନୀୟ ବ୍ୟାଡମିଣ୍ଟନ ପ୍ରେମୀଙ୍କ ମିଳିତ ସହଯୋଗରେ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ଓଡ଼ିଶାର ବିଭିନ୍ନ ପ୍ରାନ୍ତରୁ ଆସିଥିବା ଖେଳାଳିମାନଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା।
ହାଇ- ଭୋଲ୍ଟେଜ୍ ମ୍ୟାଚ୍‌ ରେ ବାଜି ମାରିଲେ ଚିନ୍ମୟ ଓ ନୀଳମାଧବ
ଟୁର୍ଣ୍ଣାମେଣ୍ଟ ର ଗ୍ରାଣ୍ଡ ଫାଇନାଲ ମ୍ୟାଚ୍‌ ଟି ବେଶ୍ ସଂଘର୍ଷ ପୂର୍ଣ୍ଣ ଏବଂ ରୋମାଞ୍ଚକର ଥିଲା। ଘରୋଇ ନୂଆପଡ଼ା ଜିଲ୍ଲାର ଷ୍ଟାର ଯୋଡ଼ି ଚିନ୍ମୟ ବେହେରା ଓ ନୀଳମାଧବ, ବଲାଙ୍ଗୀର ର ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ଇର୍ଫାନ ଓ ତାଙ୍କ ସାଥୀ ଙ୍କୁ ଭେଟିଥିଲେ। ୩ ସେଟ୍ ବିଶିଷ୍ଟ ଏହି ସଂଘର୍ଷ ପୂର୍ଣ୍ଣ ମ୍ୟାଚ୍‌ ରେ ଚିନ୍ମୟ ଏବଂ ନୀଳମାଧବ ଦେଖାଇଥିଲେ ନିଜର ଜବରଦସ୍ତ କ୍ରୀଡ଼ା ଶୈଳୀ। ଶେଷରେ ୨-୧ ସେଟ୍‌ ରେ ବଲାଙ୍ଗୀର କୁ ପରାସ୍ତ କରି ଚାମ୍ପିଅନ୍ ଟ୍ରଫି ନିଜ ନାମରେ କରିଛି ନୂଆପଡ଼ା ଦଳ।
“ବୟସ କେବଳ ଏକ ସଂଖ୍ୟା” – ପ୍ରେରଣା ସାଜିଲେ ଜିଲ୍ଲାପାଳ
ଏହି ଭବ୍ୟ ପ୍ରତିଯୋଗିତାର ଉଦଘାଟନୀ ଉତ୍ସବରେ ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ, ନୂଆପଡ଼ା ଜିଲ୍ଲା କ୍ରିକେଟ ସଂଘର ସମ୍ପାଦକ ସରୋଜ କୁମାର ସାହୁ (ଭୈରବ) ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ।
ଜିଲ୍ଲାପାଳଙ୍କ ସ୍ୱାସ୍ଥ୍ୟ ବାର୍ତ୍ତା – “ବୟସ ର ଅପରାହ୍ନ ରେ ମଧ୍ୟ ଜିଲ୍ଲାପାଳ ନିଜ କର୍ମମୟ ଜୀବନ ଭିତରୁ ସମୟ ବାହାର କରି କୋର୍ଟରେ ଚମତ୍କାର ବ୍ୟାଡମିଣ୍ଟନ ଖେଳି ସମସ୍ତଙ୍କୁ ଚକିତ କରିଥିଲେ। ଯୁବ ପିଢ଼ି ଓ ବୟସ୍କମାନଙ୍କୁ ପ୍ରେରଣା ଦେଇ ସେ କହିଥିଲେ ଯେ, ଶରୀରକୁ ସୁସ୍ଥ ଓ ନିରୋଗ ରଖିବା ପାଇଁ ବ୍ୟାଡମିଣ୍ଟନ ଏକ ସୁନ୍ଦର ମାଧ୍ୟମ।”
ସେହିପରି ଆଉ ଜଣେ ଜିଲ୍ଲା ର ଜନପ୍ରିୟ ବର୍ଷୀୟାନ ଅଲରାଉଣ୍ଡର ଖେଳାଳି ସମ୍ମାନିତ ଅତିଥି ରୂପେ ଯୋଗଦେଇ ଭୈରବ ସାହୁ ନିଜ ସ୍ୱାସ୍ଥ୍ୟ ପ୍ରତି ସଚେତନତା ର ଉଦାହରଣ ଦେଇ କହିଥିଲେ, “ଏହି ଟୁର୍ଣ୍ଣାମେଣ୍ଟ ନୂଆପଡ଼ା ର ବ୍ୟାଡମିଣ୍ଟନ ପ୍ରତି ଥିବା ଭଲପାଇବା ଏବଂ କିଛି ନୂଆ ଶିଖିବାର ପ୍ରୟାସ କୁ ଦର୍ଶାଉଛି।” ସେ ଆହୁରି ମଧ୍ୟ ପ୍ରତିଶ୍ରୁତି ଦେଇଛନ୍ତି ଯେ, ଆଗାମୀ ଦିନରେ ନୂଆପଡ଼ାରେ ଆନ୍ତଃ ରାଜ୍ୟ ସ୍ତରୀୟ ବ୍ୟାଡମିଣ୍ଟନ ପ୍ରତିଯୋଗିତା ଆୟୋଜନ କରାଗଲେ ସେ ସମସ୍ତ ପ୍ରକାରର ସୁବିଧା ସୁଯୋଗ ଯୋଗାଇଦେବେ।
ଉପରୋକ୍ତ ପ୍ରତିଯୋଗିତା ରେ  ବଛାବଛା ମୋଟ ୩୨ ଗୋଟି ଦଳ ଭାଗ ନେଇଥିବା ବେଳେ ରାଜ୍ୟର ବରଗଡ଼, ସମ୍ବଲପୁର, ବଲାଙ୍ଗୀର, ସୋନପୁର, ନୂଆପଡ଼ା ଏବଂ ମାଲକାନଗିରି ଜିଲ୍ଲା ର ଖେଳାଳୀମାନେ ଅଂଶ ଗ୍ରହଣ କରିଥିଲେ।
ବିଜେତା ଦଳକୁ ପୁରସ୍କାର ରୂପେ ନଗଦ ରାଶି ₹୭,୦୦୦/- ଏବଂ ଦୁଇଟି ଆକର୍ଷଣୀୟ ଟ୍ରଫି ଓ
ଉପ-ବିଜେତା ଦଳକୁ ପୁରସ୍କାର ରୂପେ ନଗଦ ରାଶି ₹୪,୦୦୦/- ଏବଂ ଦୁଇଟି ଆକର୍ଷଣୀୟ ଟ୍ରଫି ମ୍ୟାଚରେ ପ୍ରଦାନ କରାଯାଇଥିଲା ।
ଉଦଯାପନୀ ଉତ୍ସବରେ ନୂଆପଡ଼ା ଜିଲ୍ଲା କ୍ରୀଡ଼ା ଅଧିକାରୀ ରାଜେନ୍ଦ୍ର ପ୍ରାସାଦ ବଢ଼େଇ ମୁଖ୍ୟ ଅତିଥି ଭାବେ ଯୋଗଦେଇ ବିଜେତା ଓ ରନର୍ସଅପ୍ ଦଳକୁ ପୁରସ୍କାର ରାଶି ଏବଂ ଟ୍ରଫି ପ୍ରଦାନ କରି ଉତ୍ସାହିତ କରିଥିଲେ।
ଖେଳକୁ ଅତି ସୁନ୍ଦର ଭାବେ ପରିଚାଳନା କରିଥିଲେ ମୁଖ୍ୟ ରେଫରି ବିଜୟ କୁମାର ପାଢ଼ୀ, ବିକାଶ ପଟ୍ଟନାୟକ, ରୁଦ୍ର, ଗଣେଷ, ଗୌରାଙ୍ଗ ଏମୁ, ଶେଖର, ମନ୍ଟି, ଜନ୍ଟି, ପ୍ରିୟାଂଶୁ, ମୋହିତ, ଅଜିତ୍, ସମୀର, ତୁଷାର, ମାନସ, ଶିବା ଏବଂ ସିବୁ।
ଟୁର୍ଣ୍ଣାମେଣ୍ଟ ର ସମସ୍ତ ସୂଚାରୁ ପରିଚାଳନା ଏବଂ ମଞ୍ଚ ସଞ୍ଚାଳନ ଓ ପ୍ରଚାର ପ୍ରସାର ଦାୟିତ୍ୱରେ ଥିଲେ ପ୍ରକାଶ କୁମାର ସାହୁ ତଥା ଅଂଶୁମାନ ଏବଂ ଖେଳାଳି ଙ୍କ ଖାଦ୍ୟପେୟ ର ସୁବ୍ୟବସ୍ଥା କୁ ଲକି, ଅଭିଷେକ ଓ ସେମାନଙ୍କ ବନ୍ଧୁଗଣ ଅତି ନିଖୁଣ ଭାବେ ତୁଲାଇଥିଲେ। ଶେଷରେ ସମସ୍ତ ଅତିଥି, କ୍ରୀଡ଼ାବିତ୍ ଓ ସହଯୋଗୀ ଙ୍କୁ ସଂଘ ପକ୍ଷରୁ ଧନ୍ୟବାଦ ଅର୍ପଣ କରାଯାଇଥିଲା।