ଲଖନାରେ ଐତିହାସିକ ଜନସଭା — ଶହ ଶହ ଲୋକଙ୍କ ଭିଡ଼, ସିଦ୍ଧାନ୍ତ ମହାପାତ୍ରଙ୍କ ମନ୍ତ୍ରମୁଗ୍ଧ ଅଭିନୟରେ ଝୁମିଲା ଅଞ୍ଚଳ।

ନୂଆପଡ଼ା -୩/୧୧ (ସୁରେନ୍ଦ୍ର ତିୱାରୀ) ବ୍ନୂଆପଡ଼ା ଉପନିର୍ବାଚନ ପରିପ୍ରେକ୍ଷିତରେ, ବିଜେପି ପ୍ରାର୍ଥୀ ଜୟ ଢୋଲକିଆଙ୍କ ପ୍ରଚାର ଅଭିଯାନ ଅନ୍ତର୍ଗତ ଆଜି କୋମନା ବ୍ଲକ ଅଧୀନସ୍ଥ ଲଖନା ପଞ୍ଚାୟତର ହାଇ ସ୍କୁଲ ପଡିଆରେ ଏକ ବିଶାଳ ଓ ଐତିହାସିକ ଜନସମାବେଶ ଆୟୋଜିତ ହେଲା। ଅଞ୍ଚଳବାସୀଙ୍କ ଅପାର ଉତ୍ସାହ ଓ ସମର୍ଥନରେ, ଆରମ୍ଭ ହୋଇଥିବା ଭିଡ଼ ଗଣମାନ୍ୟଙ୍କ ଆଗମନ ସମୟରେ ଜନସାଗରର ରୂପ ଧାରଣ କଲା।
ପ୍ରସିଦ୍ଧ ସିନେତାରକା ଓ ଜନପ୍ରିୟ ନେତା ସିଦ୍ଧାନ୍ତ ମହାପାତ୍ର, ରାଜ୍ୟ ସରକାରର ସମ୍ମାନନୀୟ ମନ୍ତ୍ରୀ ସୂର୍ଯ୍ୟବଂଶୀ ସୁରଜ୍, ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂହ ଦେଓ, ଝାରସୁଗୁଡା ବିଧାୟକ ଟଙ୍କଧର ତ୍ରିପାଠି, ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରସନ୍ନ ପାଢ଼ୀ,ସ୍ଥାନୀୟ ପଞ୍ଚାୟତ ପ୍ରମୁଖ ନରେନ୍ ହଂସ, ପୂର୍ବତନ ସରପଞ୍ଚ ନରେଶ ଜୈନ (ଗିଡୁ ଭାଇ) ସହ ଅନେକ ଗଣମାନ୍ୟ ବ୍ୟକ୍ତିବର୍ଗ ଓ ପଦାଧିକାରୀ ଉପସ୍ଥିତ ଥିଲେ। ସଭା ମଞ୍ଚକୁ ଆଲୋକିତ କରି, ଅଭିନେତା ରୁ ନେତା ସିଦ୍ଧାନ୍ତ ମହାପାତ୍ର ନିଜର ମନୋହର ଅଭିଭାଷଣ ଓ ‘ପୁଚୁକି ଗାଲି’, ‘ସୁନେଲି ସୁନେଲି ଖରା’ ପରି ସୁପରହିଟ୍ ଗୀତ ଗାଇ ଦର୍ଶକମାନଙ୍କର ହୃଦୟ ଜିତିଲେ। ସମ୍ପୂର୍ଣ୍ଣ ପରିବେଶ ହସ୍ତତାଳି, ହୁଙ୍କାର ଓ ଉତ୍ସାହର କ୍ଷଣରେ ତୀବ୍ରତା ଆରୋହଣ କରିଥିଲା। ଯୁବମାନଙ୍କ ଭିତରେ ବିଶେଷ ଉତ୍ସାହ ଦେଖାଯାଉଥିଲା।
ମନ୍ତ୍ରୀ ଓ ଅନ୍ୟ ଅତିଥିମାନେ ଅଞ୍ଚଳର ଉନ୍ନତିକରଣ, ଜନ କଳ୍ୟାଣମୂଖୀ ଯୋଜନା ଓ ଆଗାମୀ ଦିନର ଅଭିଯାନ ସମ୍ପର୍କରେ ସ୍ପଷ୍ଟ ଭାଷଣ ପ୍ରସ୍ତୁତ କରିଥିଲେ। ସଭାସ୍ଥଳର ଶୃଙ୍ଖଳାବଦ୍ଧ ବ୍ୟବସ୍ଥାପନା, ସୁଚାରୁ ପର୍ଯ୍ୟବେକ୍ଷଣ ଓ ସୁରକ୍ଷା ବ୍ୟବସ୍ଥା ଦେଖି ଅଞ୍ଚଳବାସୀ ଭୁରି ଭୁରି ପ୍ରଶଂସା କରିଥିଲେ।
ଲଖନା ପଞ୍ଚାୟତ ପାଇଁ ଆଜିର ଦିନ ଏକ ଐତିହାସିକ ମାର୍କ ଭାବରେ ରହିବ। ଏହି ଜନସଭାକୁ ଅଞ୍ଚଳର ସାମୂହିକ ଆଶା, ଉତ୍ସାହ ଓ ରାଜନୈତିକ ସଜାଗତାର ଜୀବନ୍ତ ପ୍ରତିଚ୍ଛବି ଭାବେ ଦେଖାଯାଉଛି ।