ଖରିଆର ରୋଡ ନଗର ପାଳିକା ର ବଡ଼ ପଦକ୍ଷେପ : ଜଳକଷ୍ଟ ଦୂର କରିବା ପାଇଁ ୱାର୍ଡ ଅଭିମୁଖେ ବାହାରିଲା ପାଣି ଟ୍ୟାଙ୍କର।

ନୂଆପଡା -୨୨/୪- ନଗରବାସୀଙ୍କ ମୌଳିକ ସମସ୍ୟାର ସମାଧାନ କ୍ଷେତ୍ରରେ ଖରିଆର ରୋଡ୍ ନଗର ପାଳିକା ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରାଯାଇଛି। ସହରର ପାନୀୟ ଜଳ ସମସ୍ୟାକୁ ସର୍ବୋଚ୍ଚ ପ୍ରାଥମିକତା ଦେଇ ନଗର ପାଳିକା ଜନ ପ୍ରିୟ ଅଧ୍ୟକ୍ଷା ଡକ୍ଟର ସୋନିଆ ଜୈନ ଙ୍କ ନେତୃତ୍ୱରେ ଗତକାଲି ବିଭିନ୍ନ ୱାର୍ଡ ପାଇଁ ପାନୀୟ ଜଳ ଟ୍ୟାଙ୍କରର ଶୁଭାରମ୍ଭ କରାଯାଇଛି।
ନୁଆପଡ଼ା ବିଧାୟକ ଜୟ ଭାଇ ଢୋଲକିଆ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ସବୁଜ ପତାକା ଦେଖାଇ ଟ୍ୟାଙ୍କର ଗୁଡ଼ିକୁ ପଠାଇ ଥିଲେ। ଏହି ଅବସର ରେ ନଗର ପାଳିକା ର ସମସ୍ତ କାଉନସିଲର ଏବଂ ଗଣ୍ୟମାନ୍ୟ ବ୍ୟକ୍ତିମାନେ ଉପସ୍ଥିତ ଥିଲେ।
ଅଧ୍ୟକ୍ଷା ଡକ୍ଟର ସୋନିଆ ଜୈନ ଏହି ପ୍ରସଙ୍ଗରେ କହିଛନ୍ତି ଯେ, “ଏହା କେବଳ ଟ୍ୟାଙ୍କର ଚଳାଚଳ ନୁହେଁ, ବରଂ ଜନସାଧାରଣଙ୍କ ମୌଳିକ ଆବଶ୍ୟକତାକୁ ଠିକ୍ ସମୟରେ ପୂରଣ କରିବା ପାଇଁ ଆମର ଏକ ଦୃଢ଼ ସଂକଳ୍ପ । ପ୍ରତିଟି ୱାର୍ଡର ପ୍ରତିଟି ଘରକୁ ପାଣି ପହଞ୍ଚାଇବା ଆମର ପ୍ରାଥମିକ ଦାୟିତ୍ୱ ଏବଂ ଏଥିପାଇଁ ନଗର ପାଳିକା ସଦାସର୍ବଦା ତତ୍ପର ରହିଛି।”
ସହରର ଜଳକଷ୍ଟ ଦୂର କରିବା ପାଇଁ ଏହି ପଦକ୍ଷେପ।
ବିଧାୟକ ଏବଂ କାଉନସିଲରମାନଙ୍କ ଉପସ୍ଥିତିରେ କାର୍ଯ୍ୟକ୍ରମ ସମ୍ପନ୍ନ ହୋଇଥିଲା।
ପ୍ରାଥମିକତା ଦୃଷ୍ଟି ରୁ ଜନସେବା ଏବଂ ଜନସାଧାରଣଙ୍କ ସୁବିଧାକୁ ସର୍ବାଗ୍ରେ ରଖିଛି ନଗର ପାଳିକା ବୋଲି ଅଧ୍ୟକ୍ଷା ଡ଼ଃ ଜୈନ ପ୍ରକାଶ କରିଥିଲେ। ଏ ଅବସର ରେ ଇଓ କମଳାସନ ରଥ ଓ ଏନଏସି ଅନ୍ୟାନ୍ୟ କର୍ମଚାରି ସହ ନଗର ର ମାନ୍ୟଗଣ୍ୟ ବ୍ୟକ୍ତିମାନେ ଉପସ୍ଥିତ ଥିଲେ।