ତରବୋଡ଼ ଆୟୁଷ୍ମାନ ଆରୋଗ୍ୟ ମନ୍ଦିରରେ ବିଦାୟ ସମ୍ବର୍ଦ୍ଧନା ସଭା: ଅବସରପ୍ରାପ୍ତ ସ୍ୱାସ୍ଥ୍ୟ ପରିଦର୍ଶିକାଙ୍କ ସହ ଦୁଇ ସ୍ୱାସ୍ଥ୍ୟକର୍ମୀଙ୍କୁ ଭାବପୂର୍ଣ୍ଣ ବିଦାୟ।

ନୂଆପଡ଼ା -୦୧/୧୧- ଦୀର୍ଘଦିନର କର୍ମନିଷ୍ଠା, ସେବା ଓ ସମର୍ପଣର ସ୍ମୃତିକୁ ସାଉଁଟି ତରବୋଡ଼ ଆୟୁଷ୍ମାନ ଆରୋଗ୍ୟ ମନ୍ଦିର (ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର) ପରିସରରେ ଏକ ଭାବପୂର୍ଣ୍ଣ ଅବସରକାଳୀନ ବିଦାୟ ସମ୍ବର୍ଦ୍ଧନା ସଭା ଆୟୋଜିତ ହୋଇଯାଇଛି। ନଭେମ୍ବର ୧ ତାରିଖ ସକାଳ ୧୧ଟା ସମୟରେ କୋମନା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧୀନରେ ଥିବା ଏହି ସ୍ୱାସ୍ଥ୍ୟକେନ୍ଦ୍ରରେ ଆୟୋଜିତ ସଭାରେ ସହକର୍ମୀମାନେ ଅବସରପ୍ରାପ୍ତ ଓ ସ୍ଥାନାନ୍ତରିତ କର୍ମଚାରୀଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇଥିଲେ।
ଏହି ସଭାରେ ତରବୋଡ଼ର ଆୟୁଷ ଡାକ୍ତର ଡ. ପ୍ରିୟଙ୍କା ଦଣ୍ଡପାଟ ସଭାପତିତ୍ୱ କରିଥିବାବେଳେ ସ୍ୱାସ୍ଥ୍ୟ ପରିଦର୍ଶକ ଋଷୀମହନ ଶବର ସଭା ପରିଚାଳନା କରିଥିଲେ।
ସଭାରେ ଅବସର ଗ୍ରହଣ କରିଥିବା ସ୍ୱାସ୍ଥ୍ୟ ପରିଦର୍ଶିକା ଶ୍ରୀମତୀ ସ୍ୱର୍ଣ୍ଣଲତା ଶତପଥୀଙ୍କୁ ତାଙ୍କର ଦୀର୍ଘଦିନର ସେବା ଓ କର୍ତ୍ତବ୍ୟନିଷ୍ଠା ପାଇଁ ସମ୍ମାନ ଜଣାଇ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଥିଲା। ସେହିପରି ସ୍ଥାନାନ୍ତରିତ ହୋଇଥିବା ଦୁଇ ସ୍ୱାସ୍ଥ୍ୟକର୍ମୀ ସୁଧାଂଶୁ ବେହେରା ଓ ଇଶ୍ରାମ ଶବରଙ୍କୁ ମଧ୍ୟ ସହକର୍ମୀମାନେ ଶୁଭେଚ୍ଛା ଜଣାଇବା ସହ ଆଗାମୀ କର୍ମଜୀବନର ସଫଳତା କାମନା କରିଥିଲେ।
ଏହି ଅବସରରେ ତରବୋଡ଼ ସେକ୍ଟରର ସମସ୍ତ କ୍ଷେତ୍ର କର୍ମଚାରୀ ଉପସ୍ଥିତ ରହି ତିନିଜଣଙ୍କ ସହିତ କାର୍ଯ୍ୟକାଳର ସ୍ମୃତି ଓ ଅନୁଭୂତି ବାଣ୍ଟିଥିଲେ। ଉପସ୍ଥିତ କର୍ମଚାରୀଙ୍କ ମଧ୍ୟରେ ଶ୍ରୀକାନ୍ତ କୁମାର ସାହୁ, ସନ୍ତୋଷ ସାହୁ, ରମେଶ ଶବର, ରବୀନ୍ଦ୍ର ସିନ୍ଦୁର, ବିକ୍ରମ ମାଝି, ସୌମ୍ୟ ରଞ୍ଜନ ପାଢ଼ୀ, ମମତା ନାୟକ, ଶୈଳବାଳା ଘୋଷ, ବବିତା ପାଣିଗ୍ରାହୀ, ଅଲିଭା ମଞ୍ଜରୀ ଶବର, ଅମିତା ଶବର, ମାଧୁରୀ ଶବର, ପ୍ରମୋଦିନୀ ମଲ୍ଲିକ, ଶ୍ରଦ୍ଧାଞ୍ଜଳି ସାହୁ, ପ୍ରତୀକ୍ଷା ଖଣ୍ଡାଇ, ରଶ୍ମି ସୁନାନୀ, ସ୍ୱୟଂପ୍ରଭା ସିଂ, ଅଶ୍ୱିନୀ ଶବର ଓ ଚନ୍ଦ୍ରିକା ସୁନାନୀ ପ୍ରମୁଖ ସାମିଲ ଥିଲେ।
ସଭାର ଶେଷରେ ରବୀନ୍ଦ୍ର ସିନ୍ଦୁର ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିବା ସହ ସଭାର ସମାପନ ଘୋଷଣା କରିଥିଲେ।
ସହକର୍ମୀଙ୍କ ମଧ୍ୟରେ ଗଢ଼ିଉଠିଥିବା ସ୍ନେହ, ସହଯୋଗ ଓ ଆତ୍ମୀୟତାର ଏହି ମିଳନ ଉତ୍ସବ ବିଦାୟୀ କର୍ମଚାରୀଙ୍କ ପାଇଁ ଏକ ସ୍ମରଣୀୟ ମୁହୂର୍ତ୍ତ ହୋଇ ରହିଥିଲା।