ନୂଆପଡ଼ା : ଜିଲ୍ଲାସ୍ତରୀୟ ପ୍ରାଣୀ ସମ୍ପଦ ସମୀକ୍ଷା ବୈଠକ ଅନୁଷ୍ଠିତ, ସଫଳ ଚାଷୀ ସମ୍ମାନିତ।

ନୂଆପଡ଼ା-୨୩/୬- ନୂଆପଡ଼ା ଜିଲ୍ଲା ମୁଖ୍ୟାଳୟ ସଭାଗୃହଠାରେ ପ୍ରାଣୀ ସମ୍ପଦ ବିଭାଗର ଏକ ମାସିକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲାପାଳ ମଧୁସୁଦନ ଦାଶଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ଜିଲ୍ଲାରେ ପ୍ରାଣୀ ସମ୍ପଦର ବିକାଶ ଏବଂ ଚାଷୀଙ୍କ କଲ୍ୟାଣ ପାଇଁ ଚାଲିଥିବା ବିଭିନ୍ନ ସରକାରୀ ଯୋଜନାର ଅଗ୍ରଗତି ସମ୍ପର୍କରେ ଗୁରୁତ୍ୱପୂର୍ଣ୍ଣ ସମୀକ୍ଷା କରାଯାଇଥିଲା।
ବୈଠକ ପ୍ରାରମ୍ଭରେ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡ଼ା. ସୁଖେନ୍ଦୁ ରାୟ ବିଭାଗ ପକ୍ଷରୁ ଜିଲ୍ଲାରେ କାର୍ଯ୍ୟକାରୀ ହେଉଥିବା ବିଭିନ୍ନ ଜନ କଲ୍ୟାଣକାରୀ ଯୋଜନା, ପ୍ରାଣୀ ଚିକିତ୍ସା ସେବା ଏବଂ ଚାଷୀମାନଙ୍କ ପାଇଁ ଉପଲବ୍ଧ ଥିବା ବିଭିନ୍ନ ସୁବିଧା ସୁଯୋଗ ସମ୍ପର୍କରେ ବିସ୍ତୃତ ବିବରଣୀ ଉପସ୍ଥାପନ କରିଥିଲେ।
ଶିବିର ମାଧ୍ୟମରେ ୭ ହଜାରରୁ ଅଧିକ ଗୋପାଳକ ଉପକୃତ।
ସମୀକ୍ଷା ରିପୋର୍ଟ ଅନୁଯାୟୀ, ଜିଲ୍ଲାରେ ସମ୍ପ୍ରସାରିତ ଅଭିଯୋଗ ଶୁଣାଣି କାର୍ଯ୍ୟକ୍ରମ ଅବସରରେ ଏପର୍ଯ୍ୟନ୍ତ ମୋଟ୍ ୬୦ ଟି ପ୍ରାଣୀ ସ୍ୱାସ୍ଥ୍ୟ ଶିବିର ସଫଳତା ର ସହ ଆୟୋଜନ କରାଯାଇଛି। ଏହି ଅଭିଯାନ ମାଧ୍ୟମରେ ଜିଲ୍ଲାର ୭,୪୮୨ଟି ପ୍ରାଣୀ ଙ୍କୁ ଆବଶ୍ୟକୀୟ ଚିକିତ୍ସା ସେବା ଯୋଗାଇ ଦିଆଯାଇଥିବା ବେଳେ ମୋଟ୍ ୨,୩୩୧ ଜଣ ପ୍ରାଣୀପାଳକ ଓ ଚାଷୀ ସିଧାସଳଖ ଭାବେ ଉପକୃତ ହୋଇପାରିଛନ୍ତି।
ପ୍ରାଣୀପାଳନ କ୍ଷେତ୍ରକୁ ଆଗକୁ ନେବାରେ ଉଲ୍ଲେଖନୀୟ ସଫଳତା ହାସଲ କରିଥିବା ଜିଲ୍ଲାର କିଛି ପ୍ରଗତିଶୀଳ ଚାଷୀଙ୍କୁ ଏହି ଅବସରରେ ଜିଲ୍ଲା ପ୍ରଶାସନ ତରଫରୁ ସମ୍ମାନିତ କରାଯାଇଥିଲା। ସମ୍ମାନିତ ହୋଇଥିବା ଚାଷୀମାନେ ହେଲେ:
ପ୍ରହଲ୍ଲାଦ ବାଞ୍ଚୋର (ଖରିଆର) ବ୍ରଏଲର କୁକୁଡ଼ା ଚାଷ,ସୁଶୀଳା ବାଞ୍ଚୋର (କୋମନା) ଉନ୍ନତ ଗୋ-ପାଳନ, ଖୀରଦାସ ସତନାମୀ ବ୍ରଏଲର କୁକୁଡ଼ା ଚାଷ, ଅସମତି ଛତ୍ରିଆ (ବୋଡ଼େନ) ଗୋ-ପାଳନ ଓ
ଗୋଲାପୀ ସା (ସିନାପାଲି) ପ୍ରାଣୀ ପାଳନ କ୍ଷେତ୍ରରେ ବିଶେଷ ଅବଦାନ ରହିଛି।
ଏହି ସମୀକ୍ଷା ବୈଠକରେ ଜିଲ୍ଲାର ସମସ୍ତ ବ୍ଲକର ପ୍ରାଣୀ ଚିକିତ୍ସା ଅଧିକାରୀ, କାର୍ଯ୍ୟରତ ପ୍ରାଣୀ ଚିକିତ୍ସକ ଏବଂ ବହୁ ସଂଖ୍ୟା ରେ ସ୍ଥାନୀୟ ପ୍ରାଣୀ ପାଳକମାନେ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ। ସରକାରୀ ଯୋଜନା ଗୁଡ଼ିକୁ ତୃଣମୂଳ ସ୍ତରରେ ଲୋକଙ୍କ ପାଖରେ ପହଞ୍ଚାଇବାକୁ ଜିଲ୍ଲାପାଳ ସମସ୍ତ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।