+୨ କଳା ରେ କମାଲ କଲେ ନୂଆଗାଁ ର ହସିନା : ଶୁଭେଚ୍ଛା ଜଣାଇଲେ ବିଜେପି ସାଧାରଣ ସମ୍ପାଦକ ଅଭିନନ୍ଦନ ପଣ୍ଡା।

ନୂଆପଡ଼ା- ୨/୦୬- ନୂଆପଡ଼ା ଜିଲ୍ଲା କୋମନା ବ୍ଲକ ଅନ୍ତର୍ଗତ ନୂଆଗାଁ ରେ ଦେଖିବାକୁ ମିଳିଛି ଏକ ଗର୍ବର ମୁହୂର୍ତ୍ତ। ସ୍ଥାନୀୟ ଅଞ୍ଚଳର ମେଧାବୀ ଛାତ୍ରୀ ହସିନା ସାହୁ ଚଳିତ ବର୍ଷ +୨ କଳା (Arts) ପରୀକ୍ଷା ରେ ୫୧୮ ମାର୍କ ରଖି ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇ ସମଗ୍ର ଅଞ୍ଚଳ ପାଇଁ ଗୌରବ ଆଣିଦେଇଛନ୍ତି।
ହସିନାଙ୍କ ଏହି ଅଦ୍ଭୁତପୂର୍ବ ସଫଳତା ପରେ ଆଜି ବିଜେପି ସାଧାରଣ ସମ୍ପାଦକ ଅଭିନନ୍ଦନ ପଣ୍ଡା ତାଙ୍କ ବାସଭବନରେ ପହଞ୍ଚି ହସିନାଙ୍କୁ ପୁଷ୍ପ ଗୁଚ୍ଛ ଦେଇ ଭବ୍ୟ ସମ୍ବର୍ଦ୍ଧନା ଜଣାଇଛନ୍ତି।
ସାଧାରଣ ସମ୍ପାଦକ ଶ୍ରୀ ପଣ୍ଡା ହସିନାଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିବା ସହ କହିଛନ୍ତି ଯେ, ଏଭଳି ପ୍ରତିଭାବାନ ଛାତ୍ରୀମାନେ ହିଁ ଆମ ସମାଜର ପ୍ରକୃତ ଗର୍ବ। ଏହା ସହ ଆଗାମୀ ଦିନରେ ହସିନାଙ୍କ ଉଚ୍ଚଶିକ୍ଷା ଓ ପାଠପଢ଼ାରେ ଯେପରି କୌଣସି ବାଧା ନଆସେ, ସେଥିପାଇଁ ସେ ସମସ୍ତ ପ୍ରକାର ଆର୍ଥିକ ଓ ଆନୁଷଙ୍ଗିକ ସହଯୋଗ ଯୋଗାଇଦେବେ ବୋଲି ପ୍ରତିଶ୍ରୁତି ଦେଇଛନ୍ତି। “ମେଧାବୀ ଛାତ୍ରଛାତ୍ରୀଙ୍କ ସଫଳତା ସମାଜକୁ ଆଗକୁ ନେବାରେ ସାହାଯ୍ୟ କରେ। ହସିନାଙ୍କ ପାଠପଢ଼ା ଜାରି ରଖିବା ପାଇଁ ଆମେ ସର୍ବଦା ତାଙ୍କ ସହ ଅଛୁ।” ବୋଲି
ଶ୍ରୀ ପଣ୍ଡା କହିଛନ୍ତି ।
ଏହି ସାରସ୍ୱତ ମୁହୂର୍ତ୍ତରେ ସ୍ଥାନୀୟ ଭଦ୍ରବ୍ୟକ୍ତି ଓ ଗ୍ରାମବାସୀ ଉପସ୍ଥିତ ରହି ହସିନାଙ୍କୁ ଆଶୀର୍ବାଦ ପ୍ରଦାନ କରିବା ସହ ଶ୍ରୀ ପଣ୍ଡାଙ୍କ ଏହି ମହତ ପ୍ରୟାସକୁ ବେଶ୍ ପ୍ରଶଂସା କରିଛନ୍ତି।