ମୁଖ୍ୟମନ୍ତ୍ରୀ ଙ୍କୁ ଭେଟିଲେ ସାଂସଦ ମାଳବିକା ଦେବୀ କଳାହାଣ୍ଡି-ନୂଆପଡ଼ା ର ବନ୍ୟା ପରିସ୍ଥିତି ଓ ବିକାଶ ପ୍ରସଙ୍ଗରେ ବିସ୍ତୃତ ଆଲୋଚନା।

ନୂଆପଡ଼ା – ୩୧/୦୭- କଳାହାଣ୍ଡି ଲୋକସଭା ସାଂସଦ ମାଳବିକା ଦେବୀ ଗତକାଲି ରାଜ୍ୟର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଙ୍କ ସହ ଏକ ସୌଜନ୍ୟମୂଳକ ସାକ୍ଷାତ କରିଛନ୍ତି। ଏହି ଗୁରୁତ୍ୱପୂର୍ଣ୍ଣ ବୈଠକରେ କଳାହାଣ୍ଡି ଏବଂ ନୂଆପଡ଼ା ଜିଲ୍ଲାର ଜନ ସମସ୍ୟା, ବିକାଶମୂଳକ ପ୍ରକଳ୍ପ ଓ ଲୋକ ହିତ ସମ୍ପର୍କିତ ଅନେକ ଗୁରୁତ୍ୱପୂର୍ଣ୍ଣ ବିଷୟରେ ଦୀର୍ଘ ଆଲୋଚନା ହୋଇଛି।
ସମ୍ପ୍ରତି ଲଗାଣ ବର୍ଷା ଯୋଗୁଁ ଉଭୟ ଜିଲ୍ଲାରେ ସୃଷ୍ଟି ହୋଇଥିବା ବନ୍ୟା ସଦୃଶ ପରିସ୍ଥିତି, ଲୋକଙ୍କର ଭଙ୍ଗାରୁଜା ଘର, ନଷ୍ଟ ହୋଇଥିବା ରାସ୍ତାଘାଟ ଏବଂ କୃଷିକ୍ଷେତ୍ର ର କ୍ଷୟକ୍ଷତି ସମ୍ପର୍କରେ ସାଂସଦ ମୁଖ୍ୟମନ୍ତ୍ରୀଙ୍କୁ ଅବଗତ କରାଇଥିଲେ।
ପ୍ରଭାବିତ ପରିବାରମାନଙ୍କ ପାଇଁ ତୁରନ୍ତ ରିଲିଫ୍ ସାମଗ୍ରୀ, ପୁନର୍ବାସ ଏବଂ ଆବଶ୍ୟକୀୟ ସରକାରୀ ସହାୟତା ଯୋଗାଇଦେବାକୁ ସେ ଦାବି କରିଥିଲେ। ସ୍ଥାନୀୟ ଅଞ୍ଚଳର ଭିତ୍ତିଭୂମି ସୁଦୃଢ଼ୀକରଣ, ଜନହିତକାରୀ ପ୍ରକଳ୍ପର ତ୍ୱରାନ୍ୱିତ କାର୍ଯ୍ୟକାରିତା ଏବଂ ଅନ୍ୟାନ୍ୟ ଜରୁରୀ ଆବଶ୍ୟକତାକୁ ନେଇ ସାଂସଦ ଏକ ସ୍ମାରକ ପତ୍ର ମୁଖ୍ୟମନ୍ତ୍ରୀଙ୍କୁ ପ୍ରଦାନ୍ କରିଛନ୍ତି।
ସାଂସଦଙ୍କ ଦ୍ୱାରା ଉପସ୍ଥାପିତ ପ୍ରତ୍ୟେକ ପ୍ରସଙ୍ଗକୁ ମୁଖ୍ୟମନ୍ତ୍ରୀ ଗୁରୁତ୍ୱର ସହ ଗ୍ରହଣ କରିଛନ୍ତି ଏବଂ ତୁରନ୍ତ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବ ବୋଲି ଦୃଢ଼ ଆଶ୍ୱାସନା ଦେଇଛନ୍ତି।
କଳାହାଣ୍ଡି ଓ ନୂଆପଡ଼ା ଜିଲ୍ଲାର ସର୍ବାଙ୍ଗୀନ ବିକାଶ, ଦୁର୍ଯ୍ୟୋଗ ପରିଚାଳନା ଏବଂ ଲୋକଙ୍କ ସମସ୍ୟା ଦୂରୀକରଣ ଦିଗରେ ସାଂସଦ ମାଲବିକା ଦେବୀଙ୍କ ଏହି ପ୍ରଶଂସନୀୟ ପଦକ୍ଷେପକୁ ଅଞ୍ଚଳବାସୀ ଅତ୍ୟନ୍ତ ସକାରାତ୍ମକ ଭାବେ ଗ୍ରହଣ କରିଛନ୍ତି।